أتفاجئت إن ناس كتير بتسقي الزرع الضهر🌞

طبعا متخيلين إن دي أحسن حاجه ف الوجود
لا بالعكس دي أوحش حاجه ممكن نعملها ليه بقا قولوا ليه 🧐

الميه خطيره جدا مع الحر يا جماعه لان الميه بتكون بارده والتربه حرارتها مرتفعه
بالتالي بيحصل تبريد فجائي للتربه تسبب موت الجذور وبالتالي موت النبات
.
كمان النبات بيكون فقد كمية ميه كبيره بالنتح
والخلايا انكمشت تخيل بقا هيحصل ايه ؟
هتتمدد تاني بسرعه بسبب الميه البارده مع الحر وتتلف الخلايا .

لازم نعرف إننا بنتعامل مع كائن حساس زي البني آدمين بالظبط 😀 وحبوا الزرع وانتوا بتتعاملوا معاه هتشوفوا الفرق ❤

طب نروي إمتا ؟ أيوه خلينا في المفيد😌
الري إما في الصباح الباكر قبل اشتداد الشمس
أو مساءاً بعد المغرب 👍

طب وقت الضهر لقيت النباتات عطشانه جدا اتصرف ازاي ؟
اسيبهم لوقت المغرب ؟ 🤔
لا طبعا
بحط الاصيصات في مكان ضل لمده نص ساعه او ساعه الاربع التربه تبرد وبعدين اروي 💦💦
وبعد شويه ارجعها لمكانها تاني 🥰