المدونة
ايه الفرق بين البيتموس والكمبوست والكوكوبيت؟
في لخبطة كتييرة في التفريق بين البيتموس و الكمبوست و الكوكو بيت و خصوصا من المبتدئين 🌸
ببساطة تعالوا نشوف الفرق 🥰
✅️البيتموس
تربة بنزرع فيها
وهو نوع من النباتات المائية تعرضت الي التحلل و يتميز بقدرته العالية علي الاحتفاظ بالماء 💦
بيعتبر تربة حامضية… لازم نخلطه برمل او طين و شوية كمبوست.. 🌿
ف بخلطه بيهم بيخلي التربة شوية قلوية
طبعا حسب ح تزرع إيه بيكون الخلط و النسب
بيجي مستورد بيتصنع في المانيا
يعني مفيش منه مصري كله مستورد
✅️الكمبوست
ده ناتج تحلل نباتات و مخالفات حيوانية🌿🍃🐦🐂
منه النباتي كاملا🌿 و منه الحيواني 🐂🐏
و ده يعتبر سماد مش تربة
لان ناتج التحليل ده.. بيدي حاجة حامية جدا 🔥
تحرق أي زرع لو استخدمت غلط👌
بنحط منه حبة صغننين و إحنا بنجهز التربة
او حبة صغننين منه علي وش التربة وونقلب
ده طبعا محلي مش مستورد
كمان سعره رخيص جدا عكس البيتموس
✅️الكوكوبيت
هو ناتج فرم قشر جوز الهند🥥 (معظم جوز الهند بيتزرع فى سريلانكا و الهند عشان كدة الكوكو بيت يا سريلانكي يا هندي) اى حد يقولك المانى مش،صح كلامه
الشكل الخارجي البيتموس و الكوكوبيت شبه بعض تماما وصعب تفرقهم لو مش محترف
ممكن بالنسبة لنا.. نفرق بينهم عن طريق
السعر
البيتموس اغلي من الكوكوبيت بكتير
كمان الكوكوبيت عشان هو نتاج فرم قشور جوز الهند زي ما وضحنا.. حتلاقي فيه خيوط رفيعة كتييرة عكس البيتموس..
لونه فاتح اكتر من البيتموس
الكوكوبيت بيجي فى قوالب مضغوطة بتوفر فى الشحن ومساحه التخزين فبيبقى اقل فى السعر
اما البيتموس بيجي فى بالااتات ووزنه اكبر وبالتالى تكلفة نقل مرتفعة